1 הדבר אשׁר דבר ירמיהו הנביא אל־ברוך בן־נריה בכתבו את־הדברים האלה על־ספר מפי ירמיהו בשׁנה הרבעית ליהויקים בן־יאשׁיהו מלך יהודה לאמר׃
2 כה־אמר יהוה אלהי ישׂראל עליך ברוך׃
3 אמרת אוי־נא לי כי־יסף יהוה יגון על־מכאבי יגעתי באנחתי ומנוחה לא מצאתי׃
4 כה תאמר אליו כה אמר יהוה הנה אשׁר־בניתי אני הרס ואת אשׁר־נטעתי אני נתשׁ ואת־כל־הארץ היא׃
5 ואתה תבקשׁ־לך גדלות אל־תבקשׁ כי הנני מביא רעה על־כל־בשׂר נאם־יהוה ונתתי לך את־נפשׁך לשׁלל על כל־המקמות אשׁר תלך־שׁם׃